"Mançester Siti" klubun 115 ayrı maliyyə pozuntusunda ittiham olunduğu iş üzrə qərar gözləyir. Sport24.az xəbər verir ki, buna baxmayaraq, hücumçu Erlinq Haaland nikbindir.
O, bu yaxınlarda "şəhərlilər"lə müqaviləsini 2034-cü ilin yayına qədər uzadıb:
"Klubla bağlı heç bir şübhəm yoxdur. Təbii ki, 9 illik müqavilə imzalasam, şübhəm yoxdur. Mən bu müqaviləni niyə imzaladığımı 300 dəfə izah etmişəm. Klubla görüşdüm və müsbət təəssürat aldım. Nəhayət qəbul etdim".