Qol.az
"Mançester Yunayted"in baş məşqçisi Ruben Amorim "Sportinq"in hücumçusu Viktor Gyökereş haqda danışıb.
QOL.az Portuqaliya mətbuatına istinadən xəbər verir ki, o, 26 yaşlı futbolçunun transferi ilə bağlı deyib:
"Mən Viktorla danışmamışam. Amma bir oyunçu "Mançester Yunayted"ə Çempionlar Liqasında iştirak etmək üçün gəlirsə, həmin oyunçu bura gəlməyəcək. Biz komandamızı təmsil etmək istəyən oyunçuları istəyirik, hansısa xüsusi yarışlarda iştirak etmək üçün yox".
Qeyd edək ki, Viktor Gyökereş bu mövsüm "Sportinq"in heyətində 48 oyuna çıxaraq 52 qol vurub və 12 qolun ötürməsini edib. Onun komandası ilə müqaviləsi 2028-ci ilin yayına qədərdir.
