Sport24.az
Gürcüstanın U-21 millisi Slovakiyada keçiriləcək Avropa çempionatının final mərhələsinə yüksəlib. Sport24.az xəbər verir ki, komanda ötən gecə pley-off mərhələsinin cavab oyununda Xorvatiya ilə qarşılaşıb.
Komandalar arasında ilk matç Xorvatiyanın 1:0 hesablı qələbəsi ilə başa çatmışdı. İkinci görüşün əsas vaxtında isə Gürcüstan 3:2 hesablı qələbə qazanıb. Buna görə də əlavə vaxt oynanılıb.
Əlavə olunan 30 dəqiqədə də qapılara qol vurulmayıb. Penaltilər seriyasında isə Gürcüstan 7:6 hesabı ilə qalib gəlib və Avro-2025-in final məhələsinə vəsiqə qazanıb.
Qeyd edək ki, Gürcüstanın ümid yığması tarixində 2-ci dəfə Avropa çempionatının final mərhələsinə qatılır. Komanda daha əvvəl 2023-cü ildə ev sahibi kimi qitə çempionatının final mərhələsində iştirak edib.
