Sport24.az
Bu gün Azərbaycan və Belarus milliləri arasında keçiriləcək yoldaşlıq oyununun baş hakimi gürcüstanlı hakim Aleko Aptsiauri daha əvvəl də Bakıya gəlib. Sport24.az xəbər verir ki, 34 yaşlı ədalət təmsilçisi 2023/2024 mövsümündə "Sabah"ın UEFA Konfrans Liqasındakı matçında iş başında olub.
Referi həmin vaxt Serbiyanın "Partizan" komandasına qarşı UEFA Konfrans Liqasının III təsnifat mərhələsinin ilk matçında dördüncü hakim funksiyasını yerinə yetirib. Bakı klubu məhz "Bank Respublika Arena"dakı qarşılaşmada 2:0 hesablı qələbəyə sevinmişdi.
Qeyd edək ki, bu gün eyni stadionda baş tutacaq görüş saat 21:45-də başlayacaq.
