Sport24.az
"Şaxtyor"un yarımmüdafiəçisi Georgiy Sudakov Portuqaliyadadır və o, tezliklə Lissabon "Benfika"sı ilə müqavilə imzalayacaq. Sport24.az xəbər verir ki, bu barədə "A Bola" məlumat yayıb.
Mənbənin sözlərinə görə, 22 yaşlı futbolçu dünən klubun idman direktoru Rui Pedro Brazın müşayiəti ilə Tires hava limanında görünüb.
"Benfika" ilə "Şaxtyor" arasında razılıq ötən gecə əldə olunub.
Lissabon klubu ukraynalı yarımmüdafiəçi üçün 27 milyon avro ödəyəcək. Bundan başqa 5 milyon da bonus şəklində nəzərdə tutulub.
Qeyd edək ki, yarımmüdafiəçi 2024/2025 mövsümündə "Şaxtyor"un heyətində 37 oyunda 15 qol vurub və 6 məhsuldar ötürmə edib. O, yeni mövsümdə meydana çıxdığı 9 matçda 1 məhsuldar ötürmə ilə yadda qalıb.
