Idman.biz
Rusiyalı idman jurnalisti və şərhçisi Gennadi Orlov "Qarabağ" və "Çelsi" arasında keçiriləcək Çempionlar Liqası matçı ilə bağlı gözləntilərini bölüşüb.
İdman.Biz bildirir ki, oyun bu gün 21:45-də Bakıdakı Tofiq Bəhramov adına stadionda başlayacaq.
"Valeri Nepomnyaşşi bir dəfə etiraf etdi ki, "Qarabağ" Londonda da "Çelsi" ilə heç-heçə edə bilər. Mən onları o qədər də yaxından izləməmişəm, amma onlar ötən Avropa mövsümündə layiqincə oynadılar. "Qarabağ" mənə "Şerif Tiraspol"u xatırladır. Çempionlar Liqasında nə etdiklərini xatırlayırsınız? "Real Madrid"i məğlub etdilər! Meydançada heç bir adlı-sanlı klubdan çəkinmirdilər. "Qarabağ" indi də eynidir - cəsur və inamlı. Oyunçuların Çempionlar Liqasında dizləri əsmir", - Orlov "Çempionat"a deyib.
