top
Gəncədə də hər yay sular bulanır... Sport24.az
14 avqust 2024, 16:15
- +

Gəncədə də hər yay sular bulanır...

RƏŞAD QASIMOV

 

Premyer Liqada cəmi 2 tur geridə qalsa da, "Kəpəz" azarkeşləri yenə sosial şəbəkələri "sökürlər". Ölkənin ən köklü klublarından biri olan camiədə aləm bir-birinə dəyib. Bir qism ilk turlarda komandanın məğlubiyyətini səbəb gətirərək Adil Şükürovun istefasını tələb edirsə, bəziləri tələsik addım atmağın əksinə çıxır. Bu məsələdə bitərəf olanlar da var ki, onlar hələ hansı "cəbhə"də olduğunu müəyyənləşdirməyib. Bu yerdə ortaya sual çıxır: kim haqlıdı?

Əslində, futbolda bu sual ritorik məna daşıyır. Bu gün sən tribunadakıların, monitor qarşısında oturanların sevimlisi, qəhrəmanı ola bilərsən. Ancaq ertəsi "xalq düşməni" elan olunacağın da istisna olunmur. Odu ki, futbolda haqq-ədalət axtarmaq, Qrenlandiyada kaktus axtarmağa bənzəyir. Uzağa getməyək, ötən həftə baş tutan "Qarabağ" – "Ludoqorets" oyununu yada salaq. Ağdam təmsilçisi ilk görüşdə məğlub olduğuna görə Qurban Qurbanovu tənqid atəşinə tutanlar, dünən gecədən mövqelərini 180 dərəcə dəyişərək 52 yaşlı mütəxəssisin şəninə tərif söyləməkdən yorulmurlar.

Təxminən eyni aqibəti bu gün Adil Şükürov da yaşayır. 3 ay əvvəl Şükürovu az qala Gəncənin qəhrəmanı kimi qəbul edənlər, yeni mövsümdə geridə qalan 2 turdan sonra Gəncənin düşməni kimi istefaya səsləyir. Niyə, nə üçün? Mən nə Şükürovun, nə də klubda çalışan başqalarının vəkiliyəm. Sadəcə, yaşananlara real baxmağın, baş verənlərə obyektiv qiymət verilməyin tərəfdarıyam.

"Kəpəz" ilk iki turda kimə yenilib? Ölkəmizi avrokuboklarda təmsil edən 2 kluba. "Sumqayıt" "Kəpəz"dən fərqli, toplanışa daha tez başlayıb, heyəti daha erkən komplektləşdirib. "Fehervar"la ilk görüşdə "qırmızı" olmasaydı, "kimyaçılar" bəlkə də bu gün Konfrans Liqasında yoluna davam edirdi. Samir Abasov Macarıstan təmsilçisini təhlil edib, futbolçularını qitəmiqyaslı turnirə hazırlayarkən, Şükürov ötən mövsümlə müqayisədə heyəti 80 faiz dəyişən "Kəpəz"də yerli futbolçuların seleksiyasını keçirirdi ki, yeni kollektiv formalaşdırsın. Legionerlər? Bu gün "sarı-göylər"in formasını geyinən əcnəbilərin əksəriyyəti birinci dəfədi Azərbaycana qədəm qoyur. Yeni ölkə, fərqli mədəniyyət... heç şübhəsiz ki, onlara da uyğunlaşmağa vaxt lazımdı.

 

"Kəpəz"in yenildiyi "Qarabağ"ın səviyyəsinin isə ölkə futbolunun orbitini aşdığı hamıya məlumdu. Heyətləri müqayisə etmək, büdcəyə nəzər salmaq kifayətdi ki, Gəncə klubunun məğlubiyyətini istəməsən də həzm edəsən.

Və ən nəhayət büdcə məsələsi. Yuxarıda qeyd etdiyim kimi, gəncəlilərin heyəti ötən illə müqayisədə dəyişib. Komandanın aparıcı üzvləri daha yüksək məvacib qarşılığında iddialı klublara üz tutublar. Tələbkar gəncəli azarkeşlər isə nədənsə bu məsələni qabartmırlar. Klub rəhbərliyinə sual etmirlər ki, hansı səbəbdən komandanın aparıcı oyunçularını saxlamadılar? Səbəb bəllidi: büdcə artmayıbsa, məvacibin çoxalmasını tələb edən oyunçuları saxlamaq mümkünsüzdü. Birdəfəlik yadda saxlamaq lazımdı ki, "Kəpəz"in problemi məşqçidə ola bilməz. Məşqçi həmin məşqçidi ki, bataqlığa düşən "Kəpəz"i qəbul etdi və inanılmazı reallaşdırdı. Bu cür davranışa reaksiya verməli ilan isə klub rəhbərliyi olmalıdı. Azarkeşlərlə görüşməli və acı reallığı izah etməlidi. Hərdən adama elə gəlir ki, rəsmilər bilərəkdən klub "qaynamayanda" narahat olurlar. Bu yerdə bir atalar məsəlini xatırlatmaq yerinə düşər: "bulanıq suda balıq tutmaq asandı". Gəncədə də hər yay sular bulanır...


P.S Çox maraqlıdı ki, hər il eyni vaxtda Gəncədə oxşar ssenariyə şahidlik edirik. Deyəsən, hadisələr eyni nöqtədən və eyni adamlar tərəfindən idarə olunur.

Qarabağ FK

Son xəbərlər

Futbol
Bu gün, 09:50

"Qəbələ" - "Araz-Naxçıvan" oyunu bu gün baş tutacaq

Futbol
Bu gün, 09:40

Ronaldo Madriddə Vega Private Members Club adlı özəl klub açır: Məxfilik üçün telefon və şəkil qadağandır

Futbol
Bu gün, 09:40

Lionel Messi Ferens Puşkaşın uzun illər əlçatmaz qalan assist rekordunu qırdı

Futbol
Bu gün, 09:31

"Şamaxı" - "Sumqayıt": XIII tur qarşılaşması Şamaxıda

Futbol
Bu gün, 09:30

"Qəbələ" - "Araz-Naxçıvan" oyununun anonsu

Futbol
Bu gün, 09:20

Kaisedo "Arsenal" və Deklan Rays haqda danışdı: "Oyunumuz xüsusi olacaq"

Futbol
Bu gün, 09:15

Neymar zədəsi barədə: "Məni dayandıracaq bir şey deyil"

Boks
Bu gün, 09:09

Konor Makqreqor "Sky News"-u böhtana görə məhkəməyə verib

Futbol
Bu gün, 09:00

"Şamaxı" "Sumqayıt"a Qarşı: "Şirlər" "Kimyaçılar"ı Sınağa Çəkir

Futbol
Bu gün, 08:41

"Flamenqo" Libertadores Kubokunun qalibi oldu

Futbol
Bu gün, 08:10

Lionel Messi Ferens Puşkaşın məhsuldar ötürmə rekordunu yenilədi

Futbol
Bu gün, 08:05

Manuel Noyer Bundesliqada ən çox oyun keçirən ikinci qapıçıdır

Cüdo
Bu gün, 07:11

İslam Mahaçevə "Land Rover Defender" Hədiyyə Edildi

Futbol
Bu gün, 06:16

Rafinya start heyətində oynamağından və fiziki formasına qayıtmaq istəyindən danışıb

Futbol
Bu gün, 05:08

Kompani "Sankt-Pauli" ilə qələbədən sonra komandanın yorğunluğundan və qələbənin qədrini bilməkdən danışıb

Futbol
Bu gün, 04:09

Yanğın səbəbindən İsveçdə futbol oyunu dörd saatdan çox davam edib

Boks
Bu gün, 03:12

Dana Uaytın məşhur idmançılar və şəxslər haqqında fikirləri

Futbol
Bu gün, 02:18

"Marsel" "Tuluza" ilə heç-heçə edərək liderliyə yüksələ bilmədi

Futbol
Bu gün, 02:13

"Fulhem" "Tottenhem"i səfərdə məğlub edib

Futbol
Bu gün, 02:09

Sörlotun dublu "Atletiko Madrid"ə qələbə qazandırıb

Futbol
Bu gün, 02:06

"Borussiya Dortmund" səfərdə "Bayer Leverkuzen"ə qalib gəldi

Futbol
Bu gün, 02:02

"Milan" "Latsio" üzərində qələbə qazanaraq A Seriyasının lideri oldu

Futbol
Bu gün, 01:54

Qurban Qurbanov: "Futbolçuları itirməkdənsə, məğlub olmağa hazıram"

Futbol
Bu gün, 01:40

Türkiyə Superliqası: 14-cü tur yekunları və "Trabzonspor"un mövqeyi

Oxşar xəbərlər