Sport24.az
Gəncə futbolunda yeni qalmaqalın əsası qoyulub. Sport24.az xəbər verir ki, bu dəfə diqqət mərkəzində "Kəpəz"in icraçı direktoru Cabir İbrahimov və veteran futbolçu Firuz Qulamidi.
Redaksiyamıza daxil olan bilgiyə əsasən, icraçı direktoru aralarında yaşanan narazılığa görə veteran futbolçunun evinə adam göndərib. Qulami məsələnin dava-dalaş həddinə çatacağını, problemin daha da böyüyəcəyini hiss edərək 102-yə zəng vurub. Bundan sonra yaşananlara hüquq-mühafizə orqanı müdaxilə edib.
Mənbəimizin sözlərinə görə, Firuz bəy baş verənlərlə bağlı polisə müraciət edib. Hazırda araşdırma gedir.
Deyilənlərə aydınlıq gətirmək üçün veteran futbolçu ilə əlaqə saxladıq. Firuz bəy baş verən olay barədə geniş danışmaq istəmədiyini bildirdi: "Müəyyən səbəblərə görə, indi baş verənlərlə bağlı danışmaq istəmirəm. Hər şeyin vaxtı var. Zamanı gələndə ictimaiyyətə bu barədə geniş açırlama verəcəm".
