Sport24.az
Gələn il keçiriləcək futbol üzrə dünya çempionatının oyunlarına biletlərin qiymətləri son mundial ilə müqayisədə kəskin bahalaşıb. Sport24.az xəbər verir ki, bu barədə "The Telegraph" məlumat yayıb.
Açılış matçının biletlərinin indi 370 dollardan başladığı, ən bahalılarının isə 1800 dollara çatdığı bildirilir. Müqayisə üçün qeyd edək ki, Qətərdə onların qiyməti müvafiq olaraq 55 və 618 dollardır.
Gələn ilin yayında Nyu-Yorkda keçiriləcək finala biletlərin qiyməti 2000 dollardan başlayır ki, bu da üç il əvvəlki ən ucuz biletlərdən 10 qat bahadır və orta qiymət 3900 dollara çatır.
Başlanğıc qiymətlərin böyük əksəriyyəti bir neçə yüz dolları ötür və onlayn yayımlanan cədvəl göstərir ki, 60 dollarlıq biletləri tapmaq demək olar ki, mümkün deyil.
Qeyd edək ki, 2026-cı il Dünya Kuboku iyunun 11-dən iyulun 19-dək ABŞ, Kanada və Meksikada keçiriləcək.
