Sport24.az
"Mövsüm bizim üçün uğurlu oldu. Yanvarda komandanın durumu acınacaqlı idi. 6 xal və heyətdə cəmi 7-8 futbolçu var idi. Bəziləri klubdan getmişdi, bəziləri karyerasını bitirmişdi. Onların da fiziki durumu çox aşağı idi". Bu sözləri Sport24.az-a açıqlamasında "Mingəçevir"in baş məşqçisi Füzuli Məmmədov deyib.
Birinci Liqada çıxış edən "Nur şəhəri"nin təmsilçisinin çalışdırıcısı
"Qış fasiləsində keyfiyyətli futbolçu tapmaq çətin olur. Bu səbəbdən Əvəzedici Liqadan və öz komandasında az oynayanları komandaya cəlb etdik. İlk matçlarda qalib gələ bilməsək də, komandada irəliləyiş görürdüm. Bərabərə qaldığımız oyunlarda qazanılan bir xal belə bizim üçün çox önəmli idi. Zamanla qələbə qazandıq və futbolçuların özünəinamı artdı. Futbolçular mənə çox dəstək oldu. Rəhbərliyə təşəkkür edirəm. Əvvəlcədən nə söz vermişdilərsə, yerinə yetirdilər. Məhz bu üzdən çoxlarının inanmadığı halda mövsümü 4-cü yerdə bitirə bildik".
Məmmədov artıq yeni mövsümün planlarını da qurduqlarını vurğulayıb:
"Heyətdə bəzi futbolçular icarə əsasında çıxış edirdi. Onlar öz klublarına geri dönəcəklər. Yola salacağımız oyunçular da olacaq. Təbii ki, yaranan boşluğu doldurmaq üçün düşərgəyə yenilər dəvət olunacaq. Artıq bu yöndə danışıqlar gedir. Amma komandanın sütununu dağıtmaq istəmirik. Onu qorumaqla yanaşı, heyəti gücləndirəcəyik".
Qeyd edək ki, "Mingəçevir" mövsümü 4-cü yerdə bitirib.
