Sport24.az
Füzuli Məmmədov baş məşqçisi olduğu 1-ci Liqa təmsilçisi "Mingəçevir"dən ayrılıb. Sport24.az xəbər verir ki, bunu Fanat.az-a mütəxəssisin özü açıqlayıb.
Onun müqaviləsinə qarşılıqlı razılıq əsasında xitam verilib.
Qeyd edək ki, sözügedən çalışdırıcı bu ilin yanvarından "şəhərlilər"in "sükanı arxası"nda idi. Komandanı 6 xalla autsayder mövqeyində qəbul edən Məmmədovun rəhbərliyi altında adından söz etdirən "Mingəçevir" mövsümün ikinci yarısında 29 xal toplayaraq yekunda 4-cü olub. Aran təmsilçisi 1-ci Liqadakı mübarizəni uyğun olaraq 2-ci və 3-cü yerləri tutaraq elitaya vəsiqəni təmin etmiş "İmişli" və "Karvan"a qarşı sərgilədiyi performansla da diqqət mərkəzinə düşüb. Səfərdə məğlub edilən "İmişli" Mingəçevirdə heç-heçəyə nail olubsa, sözügedən kollektiv səfərdə "Karvan"dan 1, evdə 3 xal alıb.
