İdman.biz
21 yaşadək futbolçulardan ibarət Azərbaycan millisi növbəti oyununu keçirib.
İdman.biz xəbər verir ki, Samir Əliyevin yetirmələri AVRO-2025-in seçmə mərhələsində son matçına çıxıb.
Öz qrupunda sonuncu yeri tutduğu rəsmiləşən U-21 səfərdə İngiltərə ilə qarşılaşıb. Oyun millimiz üçün formal finiş xarakteri daşıyıb və Bristol şəhərində yerləşən "Aşton Qeyt" stadionunda baş tutan qarşılaşma meydan sahiblərinin 7:0 hesablı qələbəsi ilə yekunlaşıb.
Qeyd edək ki, yığmamız keçirdiyi 10 matçda cəmi 3 xal toplayıb. Yeganə qələbə Lüksemburqla (3:2) görüşdə qeydə alınıb.
21 yaşadək futbolçular arasında Avropa çempionatı
Seçmə mərhələ, F qrupu
15 oktyabr
22:30. İngiltərə – Azərbaycan - 7:0
Qollar: Çarli Kressvell, 2. Kallum Doyl. Ceyms Makate, 55. Cəlal Hüseynov, 70 (öz qapısına). Elliot Anderson, 72. Deyn Skarlett, 86. Omari Hatçinsin, 90
Baş hakim: İvana Martinçiç (Xorvatiya)
Bristol. "Aşton Qeyt" stadionu
| 1 | İngiltərə | 10 | 8 | 1 | 1 | 41-6 | 25 |
| 2 | Ukrayna | 10 | 8 | 0 | 2 | 20-7 | 24 |
| 3 | Serbiya | 10 | 5 | 1 | 4 | 13-18 | 16 |
| 4 | Ş.İrlandiya | 10 | 3 | 2 | 5 | 10-10 | 11 |
| 5 | Lüksemburq | 10 | 2 | 2 | 6 | 6-23 | 8 |
| 6 | Azərbaycan | 10 | 1 | 0 | 9 | 4-30 | 3 |
İdman.biz
