Idman.biz
"Leqanes"in futbolçusu uşağına baxmaq üçün məzuniyyət götürmək niyyətindədir.
İdman.biz xəbər verir ki, 25 yaşlı yarımmüdafiəçi Xuan Kruz Dias yaxın günlərdə ata olacağı üçün komandanın təlim-məşq toplanışını tərk edib.
"Marca"nın məlumatına görə, argentinalı futbolçu uşaq qayğısı ilə bağlı rəsmi məzuniyyət üçün kluba müraciət etməyi ciddi şəkildə nəzərdən keçirir. Bu, İspaniya peşəkar futbolu tarixində ilk belə hadisə olacaq.
Bu arada, "Rayo Valyekano" Diasa maraq göstərir. Madrid klubu onu prioritet hədəfi hesab edir və bu səbəbdən digər transfer işlərini dayandırıb.
Dias özü də ötən mövsüm nəticəsində Sequndaya düşən "Leqanes"dən ayrılmaq niyyətindədir. Lakin klub futbolçuya ümid bəsləyir və onun getməsini istəmir.
İdman.biz
