Lent.az
"Yuventus"un və İtaliya yığmasının keçmiş hücumçusu Alessandro Del Pyero məşqçilik karyerasına rəsmən başlayır.
Lent.az-ın xarici mediaya istinadla xəbərinə görə, qeyd olunur ki, İtaliya futbolunun 50 yaşlı əfsanəsi ona yüksək çempionatlarda baş məşqçi kimi işləməyə imkan verən UEFA Pro lisenziyası - ən yüksək məşqçilik kateqoriyası aldığını açıqlayıb.
Mediaya verdiyi şərhdə Del Pyero yumoristik şəkildə qeyd edib ki, onu indi "Cənab" adlandırmaq lazımdır - İtaliyada məşqçiyə ənənəvi müraciət.
Lisenziya əldə etmək keçmiş futbolçu üçün geniş perspektivlər açır: gənclər komandaları ilə işləməkdən tutmuş, A Seriyasında və hətta milli komandaya qədər.
"Bundan sonra siz mənə "Cənab" deyə bilərsiniz. İtaliya Futbol Federasiyasına və bu yolda məni müşayiət edən bütün müəllimlərə təşəkkür edirəm. Mənə kömək edən və öyrənmənin bu mühüm mərhələsini mənimlə bölüşən hər kəsə minnətdaram", - Del Pyero vurğulayıb.
