Idman.biz
Futbol matçı zamanı hakim elə meydanda həbs olunub və polis tərəfindən əlqandallı şəkildə aparılıb.
İdman.biz xəbər verir ki, Braziliyada baş verən bu hadisəni oyunçular və azarkeşlər heyrət içində izləyiblər.
38 yaşlı Ederson Karlos da Silva narkoticarətlə əlaqədə ittiham olunur və Guaruja şəhərində keçirilən həvəskar futbol matçı zamanı həbs edilib. Polis əməkdaşları onu saxlamazdan az əvvəl da Silva sarı vərəqə göstərmək üçün bir oyunçuya yaxınlaşıb. Bu anda gülləkeçirməz jiletlər geyinmiş polis əməkdaşları meydana daxil olublar.
Həbs bölgədə fəaliyyət göstərən narkoticarət şəbəkəsinin araşdırılması çərçivəsində həyata keçirilib. Bu şəbəkə hüquq-mühafizə orqanlarının diqqətini 2024-cü ilin noyabrında cəlb edib: onda San Paulo şəhərində 450 kiloqram kokain daşıyan yük maşını saxlanılıb.
İdman.biz
