Idman.biz
Gənc hücumçu Tayrik Corc karyerasını "Fulhem"də davam etdirmək üçün "Çelsi"dən ayrılır.
İdman.biz "The Athletic"ə istinadən xəbər verir ki, "Fulhem" 19 yaşlı hücumçu üçün 22 milyon funt-sterlinq ödəyəcək.
Corcun müqaviləsi 5 illik olacaq.Bundan əlavə, "göylər" müqaviləyə oyunçunun gələcək transferindən əlavə qazanc əldə etməyə imkan verəcək bəndin daxil edilməsi ilə bağlı danışıqlar aparır.
Corc ötən mövsüm "Çelsi"nin heyətində bütün yarışlarda 26 oyun keçirib, ən çox UEFA Konfrans Liqasında meydana çıxıb. Alehandro Qarnaço və Fakundo Buonanottenin gəlişi, həmçinin Mark Giunun qayıdışı ilə hücumda rəqabət artıb və bu, gənc forvardın perspektivlərini çətinləşdirib.
Bu transferlə "Çelsi"nin yay müqavilələrindən əldə etdiyi gəlir, Nikolas Ceksonun "Bavariya"ya potensial icarəsi də daxil olmaqla 334 milyon funt-sterlinqə çata bilər.
Xatırladaq ki, "Çelsi" Çempionlar Liqasının qrup mərhələsində "Qarabağ"ın rəqibidir. Komandalar arasında görüş noyabrın 5-də Bakıda baş tutacaq.
İdman.biz
