Sport24.az
"Barselona" yarımmüdafiəçi Frenki de Yonqla müqaviləni uzatmağı planlaşdırır. Sport24.az xəbər verir ki, bu barədə "Mundo Deportivo" məlumat yayıb.
Mənbənin sözlərinə görə, Kataloniya təmsilçisinin rəhbərliyi de Yonqun yeni agenti ilə danışıqlara icazə verməsini gözləyir. Futbolçu fikir ayrılığı yaşadığı indiki agenti ilə işgüzar əlaqələrini kəsməlidir. Yalnız bundan sonra oyunçu danışıqlar aparacağı yeni hüquqi şəxs barədə "Barselona"ya məlumat verə biləcək.
Qeyd edək ki, kataloniyalılar de Yonqla daha bir mövsüm uzatmaq şərti ilə 2028-ci ilə qədər müqavilə imzalamaq niyyətindədir.
