Sport24.az
"Ümumilikdə yaxşı hazırlaşmışıq. Həm köhnədən bizimlə olan, həm də yeni oyunçularımız var. Bundan sonra bir-birimizə öyrəşəcəyik. Sabah köməkləşərək, yaxşı nəticə əldə etməyə çalışacağıq". Sport24.az xəbər verir ki, bunu Yunanıstan təmsilçisi "Aris"in futbolçusu Fredrik Yensen "Araz-Naxçıvan"a qarşı keçirəcəkləri UEFA Konfrans Liqasının II təsnifat mərhələsinin ilk oyunundan əvvəl mətbuat konfransında deyib.
28 yaşlı yarımmüdafiəçi qələbə gözlədiklərini bildirib: "Matça hazırıq. Maksimum müsbət nəticə əldə etmək istəyirik".
Qeyd edək ki, "Araz-Naxçıvan" - "Aris" arasında ilk görüş iyulun 24-də "Dalğa Arena"da keçiriləcək. Matçın start fiti saat 20:00-da səslənəcək.
