Idman.biz
Fransa milli futbol komandası 2026 Dünya Çempionatının seçmə mərhələsi çərçivəsində Azərbaycan komandası ilə Bakıda keçirəcəyi səfər oyununu nəzərəçarpacaq dərəcədə yenilənmiş heyətlə keçirəcək.
İdman.Biz-in məlumatına görə, Ukrayna üzərində 4:0 hesablı ev qələbəsindən sonra Fransanın baş məşqçisi Didye Deşam bir sıra əsas oyunçuların Bakıya getməyəcəyini və oyunun rotasiyası, yükün yenidən bölüşdürülməsi üçün imkan olacağını bəyan edbi.
"Eduardo Kamavinqa gedəcək. O, müayinə keçib, zədəsi yoxdur, amma bud nahiyəsində kiçik əzələ problemi var. Manu Kone də getməyəcək. Bəzi futbolçular çox oynayıblar, biz yükü idarə etməliyik və eyni zamanda rəqibə hörməti qorumalıyıq", - deyə Fransa millisinin baş məşqçisi bildirib.
Deşamın sözlərinə görə, dünya çempionatına vəsiqə artıq təmin edilib və həm klub, həm də yığma səviyyəsində sıx təqvim komandanın liderlərinə diqqətli yanaşmağı tələb edir. Bakıda yaxın ehtiyat oyunçular daha çox oyun vaxtı alacaqlar, əsas heyətin bir hissəsi isə Fransada qalaraq öz klublarında mövsümün davamına hazırlaşacaq.
Xatırladaq ki, Azərbaycan və Fransa yığmaları arasındakı oyun bazar günü, 16 noyabrda, Tofiq Bəhramov adına Respublika Stadionunda keçiriləcək və Bakı vaxtı ilə saat 21:00-da başlayacaq.
D qrupunda komandaların vəziyyəti son turdan əvvəl belədir: Fransa – 13, İslandiya – 7, Ukrayna – 7, Azərbaycan – 1.
Teymur Tuşiyev
