Fransa mətbuatı Benzianı "zəhərli" futbolçu adlandırdı

Fransa mətbuatı Avropa Liqasının Liqa mərhələsinin V turunun Bakıda keçiriləcək "Qarabağ" – "Lion" matçı haqda yazıb. Sport24.az xəbər verir ki, "Olympique & Lyonnais" portalı vaxtilə "Lion"da oynamış, hazırda isə "Qarabağ"ın aparıcı üzvü olan Yassin Benzia barədə isə bunları qeyd edib:

"2023-cü ilin yayında Azərbaycana köçən Benzia təbii ki, yolunun yenidən "Lion"la kəsişəcəyini təsəvvür etməzdi. Baxmayaraq ki, Avropa yarışında bu qarşıdurma ehtimalı həqiqətən də var idi. Nə olursa-olsun, əlcəzairli yarımmüdafiəçi bu gün axşam bəzi keçmiş komanda yoldaşları ilə qarşılaşacaq. Halbuki Benzia klubdan ayrıldıqdan sonra onların sayı da çox deyil. Benzia "Lion"da gözlənilən karyeraya sahib ola bilmədi və cəmi 54 oyun keçirdi.

"Dijon"dakı sərgüzəştlərini bitirdikdən sonra Benzia bir az Şərqə doğru getməzdən əvvəl Türkiyənin "Hatayspor" klubunu seçmişdi. Əlcəzairli növbəti iki mövsümdə "Qarabağ"da ulduzlardan birinə çevrilərək milliyə qayıtmasında böyük rol oynadı. "Lion"da millidən də komanda yoldaşı Said Benrahma var, birlikdə artıq Afrika Millətlər Kuboku seçimində uğurla mübarizə aparıblar. Nə olursa-olsun, Benzia oyunda rəqibin "zəhərli" futbolçularından birinə çevriləcək. "Lion" ehtiyatlanmalıdır".

Qeyd edək ki, "Qarabağ" – "Lion" matçı bu gün keçiriləcək və görüşə 21:45-də start veriləcək.