Sport24.az
"Yuventus"dan ayrılan Pol Poqba karyerasını Fransada davam etdirə bilər. Sport24.az xəbər verir ki, yarımmüdafiəçi "Marsel"ə keçə bilər.
Bu barədə Fransa klubunun prezidenti Pablo Lonqoriya yerli mətbuata açıqlamasında deyib:
"Poqba ilə ilkin danışıqlarımız oldu. Hazırda azad agent statusundadır. Çoxdandır, rəsmi oyuna çıxmır və buna görə onu bu mövsüm üçün transfer etmək istəmədik. Hazırda diqqətimiz çempionatdadır. Lakin mövsümün sonunda vəziyyətə baxacağıq. Poqba dəyərləndirilməli olan oyunçudur".
Poqba ötən ilin yayında dopinq testi müsbət çıxdığı üçün 4 illik diskvalifikasiya edilmişdi. Daha sonra Beynəlxalq İdman Arbitraj Məhkəməsi oyunçunun cəzasını 18 aya endirmişdi. Futbolçunun cəzası artıq bitib.
