Idman.biz
Bu gün DÇ-2026-nın seçmə mərləsində Azərbaycanla eyni qrupda yer alan Fransa və İslandiya mililəri üz-üzə gəliblər.
İdman.biz xəbər verir ki, oyun Parisdəki "Park de Prens" stadionunda keçirilib.
Matçda hesabı 21-ci dəqiqədə qonaqlardan Qudyonsen açıb – 0:1.
İlk hissənin 45-ci dəqiqəsində Killian Mbappe penaltidən hesabı bərabərləşdirib – 1:1.
62-ci dəqiqədə Barkola fransızları irəli çıxarıb – 2:1.
68-ci dəqiqədə meydan sahiblərinin oyunçusu Çuameni qırmızı vərəqə alaraq meydançanı tərk edib.
88-ci dəqiqədə Qudyonsenin vurduğu qol VAR müdaxiləsindən sonra hesaba alınmayıb.
Oyun fransızların minimal üstünlüyü ilə başa çatıb - 2:1.
Hazırda bu millilərin oynadığı D qrupuna Fransa 4 xalla liderlik edir. İslandiya fransızlarla eyni qədər xal toplayıb. Azərbaycan və Ukraynanın hərəyə 1 xalı var.
İdman.biz
