Idman.biz
"River Pleyt"in qapıçısı Franko Armani Cənubi Amerikanın ən nüfuzlu klub turniri olan Libertadores kubokunda 110-cu oyununu keçirib.
İdman.biz xəbər verir ki, 38 yaşlı argentinalı qolkiper bu göstəricidə braziliyalı həmkarı Fabioya çatıb və indi onlar turnirdə ən çox oyun sayına görə ikinci-üçüncü yerləri bölüşürlər.
Libertadores kubokunda rekordçu 113 oyun keçirmiş paraqvaylı qapıçı Ever Almeidadır. Onun karyerasını 1991-ci ildə başa vurduğunu və "River Pleyt"in də hazırkı Libertadores kubokunda mübarizəni davam etdirdiyini (1/4 finalda "Palmeyras"la qarşılaşacaq) nəzərə alsaq, Armaninin 3 oyunluq fərqi aradan qaldıraraq artıq bu il zirvəyə yüksəlmək şansının yüksək olduğunu da bildirək.
İdman.biz
