Sport24.az
Yunanıstanlı jurnalist Fotis Pliakos UEFA Konfrans Liqasının II təsnifat mərhələsində keçiriləcək "Araz-Naxçıvan" - "Aris" (Yunanıstan) cütü ilə bağlı fikirlərini bölüşüb. Sport24.az xəbər verir ki, "Protothema" nəşri onun fikirlərinə yer verib.
Media nümayəndəsi Yunanıstan təmsilçisinin püşkdə bəxtinin gətirdiyini yazıb:
"Çünki komanda Azərbaycanın "Araz-Naxçıvan" klubu ilə üz-üzə gələcək. Potensial rəqiblər arasında "Hapoel" (Beer-Şeva, İsrail) və "Levski" (Sofiya, Bolqarıstan) daha güclü komandalardır. "Araz-Naxçıvan" isə ilk dəfə avrokuboklarda iştirak edəcək. "Aris" üçün digər müsbət məqam odur ki, səfərdəki qarşılaşma Naxçıvan yox, Bakıda keçiriləcək. Rəqibin "Aris"i mübarizədən kənarlaşdırması, fəlakət olacaq".
Qeyd edək ki, "Araz-Naxçıvan" ilk matçını iyulun 24-də evdə, cavab matçını bir həftə sonra səfərdə keçirəcək.
