Idman.biz
Almaniyanın II Bundesliqasında çıxış edən Düsseldorf "Fortuna"sı Azərbaycan millisinin hücumçusu Mahir Emrelini heyətinə qatmaqla hücum xəttini gücləndirməyi düşünür.
İdman.biz xəbər verir ki, "Fortuna" bir müddət əvvəl 5,5 milyon avroya "Köln"ə satdığı islanidiyalı İsak Yohannessonun yerini doldurmaq üçün bir neçə namizədi nəzərdən keçirir.
Bu namizədlər arasında "Nürnberq"lə yollarını ayırmış Emreli, eləcə də İsveçrənin "Yanq Boys" klubundan Sedrik İtten də var.
Eyni zamanda, "Fortuna"nın idman direktoru Klaus Allofs "Bild" nəşrinə açıqlamasında Yohannessonun satışından əldə olunan vəsaitin hamısının yeni transferlərə sərf olunmayacağını bildirib. Onun sözlərinə görə, klub daha çox iqtisadi cəhətdən sərfəli qərarlara üstünlük verir və yüksək transfer haqları ödəmək imkanında deyil.
İdman.biz
