Sport24.az
"Lion"un baş məşqçisi Paulo Fonseka tarixi cəza ala bilər. Sport24.az xəbər verir ki, bu barədə "RMC Sport" məlumat yayıb.
Mütəxəssis Liqa 1-in 24-cü turunda "Brest"lə matçın 90+4-cü dəqiqəsində mümkün penalti epizodunu yoxlamaq üçün VAR-a yaxınlaşan baş hakim Benoit Milyoya sərt reaksiya göstərib.
Həmin vaxt referi Fonsekanı qırmızı vərəqə ilə cəzalandırıb. Baş məşqçi isə daha da əsəbiləşərək hakimə hücum edib. Onu futbolçular sakitləşdiriblər.
Xəbərdə bildirilib ki, Fonseka bu hərəkətinə görə bir neçə aylıq futboldan kənarlaşdırıla bilər. Hətta cəzanın 7 ay olması ehtimalı da var.
Qeyd edək ki, Fonseka bu ilin yanvar ayının 31-də "Lion"a baş məşqçi təyin olunub.
