Idman.biz
"Liverpul"un hücumameyilli yarımmüdafiəçisi Florian Virtz Almaniyada ilin futbolçusu seçilib.
İdman.biz xəbər verir ki, sorğu "Kicker" nəşri tərəfindən keçirilib.
Müsabiqədə Almaniya pasportlu futbolçuların, eləcə də Bundesliqada çıxış edən istənilən millətdən olan oyunçuların adları yer alıb.
Qalib idman jurnalistləri arasında keçirilən illik sorğu nəticəsində müəyyənləşib.
Virtz 191 səs toplayıb. İkinci yeri "Bavariya"nın yarımmüdafiəçisi Mixael Olişe (81 səs), üçüncü yeri "Ştutqart"ın hücumçusu Nik Voltemad (71 səs) tutub.
Qeyd edək ki, ötən mövsüm 22 yaşlı almaniyalı "Bayer"in heyətində 45 oyun keçirib, 16 qol vurub və 15 məhsuldar ötürmə edib. Virtz keçən il bu nominasiyada Toni Kroosa uduzaraq ikinci olmuşdu.
İdman.biz
