Sport24.az
"Liverpul" Florian Virtsi bonuslarla birlikdə 136 milyon avroya transfer etdiyini açıqlayıb. Sport24.az xəbər verir ki, klubun mətbuat xidmətinə açıqlama verən Virts bunları qeyd edib:
"Çox xoşbəxt və qürurluyam. Uzun müddət bu anı gözlədim və nəhayət, bu baş verdi, həqiqətən də xoşbəxtəm. Qarşıda məni yeni bir macəra gözlədiyi üçün çox sevinirəm. Bu qərarı verərkən əsas məqam da bu idi, tamam başqa bir şey sınamaq istəyirdim, Bundesliqanı tərk edib Premyer Liqaya keçmək arzum idi.
Orada özümü necə göstərə biləcəyimi görəcəyik. Ümid edirəm ki, əlimdən gələnin ən yaxşısını edəcəyəm. Həmçinin orada oynamış bəzi futbolçularla danışdım və onlar mənə dedilər ki, bu yer mənim üçün idealdır. İlk matçımı səbirsizliklə gözləyirəm".
