Idman.biz
"Real Madrid" klubunun prezidenti Florentino Peres Avropa Super Liqası layihəsi ilə bağlı mövqeyini bir daha açıqlayıb.
İdman.Biz xəbər verir ki, Peres UEFA-nın yarış formatlarını diktə etməsini və bunun azarkeşlərə zərər vurduğunu bildirib.
"Klubların öz turnirlərini təşkil etməsinin qarşısını almaq normal deyil və qanuni də deyil. UEFA-nın bizim taleyimizi müəyyən etməsi və azarkeşlərə zərər verən formatlar tətbiq etməsi düzgün deyil. Buna görə də bizi Asiyada, Çin yaxınlığında oyun keçirməyə məcbur edirlər", - deyə president vurğulayıb.
O, həmçinin pulsuz yayımlanan futbol oyunlarının vacibliyini vurğulayıb.
"Biz bunu Klublararası Dünya Çempionatında etdik. FIFA-ya təşəkkür edirəm, çünki Afrikada kasıb bir uşağın belə oyunları izləməsinə imkan verdi. "Unify" adlı yayım platforması vasitəsilə oyunların pulsuz yayımlanması mümkün ola bilər və FIFA-ya bu istiqamətdə dəstək verirəm. UEFA-nın bunu etməməsinin tək səbəbini düşünə bilirəm: bir ili gecikdirmək onlar üçün daha bir il milyonlarla avroluq maaş deməkdir", - deyə Peres əlavə edib.
