Idman.biz
"Barselona"nın baş məşqçisi Hans-Diter Flik İspaniya millisini çalışdıran Luis de la Fuente ilə fikir ayrılıqları haqda danışıb.
İdman.biz xəbər verir ki, sentyabr ayında almaniyalı mütəxəssis yığmanı, Lamin Yamalın ağrıdan əziyyət çəkməsinə baxmayaraq, milli komandada oynamasından sonra oyunçularına qayğı göstərməməkdə ittiham edib.
Millinin baş məşqçisi Luis De la Fuente isə Flikin fikrinə təəccübləndiyini bildirib.
"Oyunçuma dəstək olmaq istəyirdim, amma bu, keçmişdə qaldı, mövzu bağlandı. Neqativlər üzərində çox dayanmaq istəmirəm. Bu, mənim üçün olduğu kimi de la Fuente üçün də çətin vəziyyətdir, amma oyunçumu qorumağa borcluyam", - Flik deyib.
