İdman.biz
"Barselona"nın İlkay Gündoğanla yollarını ayıracağı xəbərləri yenidən gündəmə gəlib.
İdman.biz xəbər verir ki, komandanın baş məşqçisi bu məsələyə münasibət bildirib.
Hans-Diter Flik İlkayın "Barsa"da qalacağına ümid etdiyini deyib: "Zədə üzündən Gündoğan "Valensiya" ilə oyunda iştirak etmədi. Onunla danışmışam. Məndə İlkayın komandada qalacağı hissi var".
Qeyd edək ki, futbolçu ilə məşqçi arasında münasibətlərin soyuq olduğu üçün İlkayın "Barselona"nı tərk etməsi ehtimal olunur. Klub rəhbərliyi almaniyalı yarımmüdafiəçinin məvacibinin yüksək olması səbəbindən onunla yolları ayırmağa qarşı deyil.
İdman.biz
