Idman.biz
"Barselona"nın baş məşqçisi Hans-Diter Flik "Barselona"nın La Liqada 18-ci turda "Espanyol"la qarşılaşmasından əvvəl komandasının oyunçuları Daniel Olmo və Lamin Yamalın fiziki hazırlıqları barədə danışıb.
İdman.Biz xəbər verir ki, Flik hər iki oyunçunun qarşıdakı matçda meydana çıxmağa hazır olduğunu bildirib.
"Bəli, onlar hazırdırlar. Daniel (Olmo) bu gün mini-matçda oynadı, o, təkbətək mübarizədən qorxmur. O, vacib bir addım atıb. Lamin (Yamal) da geri qayıdıb" – "Mundo Deportivo" Flikin sözlərini sitat gətirib.
Əvvəllər bildirilirdi ki, Yamal "Espanyol"a qarşı oyunu buraxa bilər. Çünki o, məşqə başlamasından beş dəqiqə sonra narahatlıq səbəbindən "Barselona"nın məşqini tərk etməli olub.
Olmo 2 dekabrda çempionatın 19-cu turunda "Atletiko Madrid"ə qarşı oyunda (3:1) aldığı çiyin zədəsi səbəbindən bir ay meydandan kənarda qalıb.
