Idman.biz
"Barselona"nın baş məşqçisi Hans-Diter Flik Çempionlar Liqasının 6-cı turunda "Ayntraxt Frankfurt"la qarşılaşmadan əvvəl komandasının İspaniya liqasındakı liderliyindən danışıb.
İdman.Biz xəbər verir ki, baş məşqçi hazırda ən çox Çempionlar Liqasına hədəfləndiklərini qeyd edib.
"Biz həmişə özümüzə diqqət yetiririk. Rəqiblərimizə baxmırıq və onlar haqqında danışmaq istəmirik. Biz diqqət yetiririk və bilirik ki, qarşıda uzun bir yol var. Daha çox xalımız var, amma bu, yeni mövsümdür. Keçən mövsümün sonunda inanılmaz idik. "Atletiko" və ""Vilyarreal" da çox çalışırlar. Amma hazırda ən vacib şey Çempionlar Liqasıdır", - "Mundo Deportivo" Flikdən sitat gətirib.
Hazırda katalonlar La Liqanın turnir cədvəlində 40 xalla liderlik edir, "Real Madrid" isə 36 xalla ikinci yerdədir.
"Barselona"-"Ayntraxt" matçı dekabrın 10-da saat 00:00-da başlayacaq.
