Sport24.az
"Barselona"nın baş məşqçisi Hans-Diter Flik "Atletiko"nun futbolçusu Xulian Alvaresin ÇL-in 1/8 finalında "Real"a qarşı matçda sayılmayan penaltisi haqda danışıb. Sport24.az xəbər verir ki, almaniyalı mütəxəssis deyib:
"Nə istəyirsiniz ki, sizə deyim? Çox xoşagəlməz hadisə baş verdi. Mənim həqiqətən ona yazığım gəlir, çünki Xulian hazırda ən yaxşı futbolçulardan biridir. Heyfslənirəm pnun üçün, amma deyəcəyim bir şey yoxdur. Bu qərarı mən verməmişəm".
Xatırladaq ki, "Atletiko" - "Real" matçı meydan sahiblərinin 1:0 hesablı qələbəsi ilə başa çatıb. Lakin ilk görüşdə "Real" 2:1 hesablı qələbə qazandığı üçün əlavə vaxt oynanılıb. Bu zaman komandalar fərqlənə bilməyiblər. Penaltilər seriyasında isə "kral klubu" üstün olaraq mərhələ adlayıb - 4:2. Penalti zərbələrində "Atletiko"nun futbolçusu Xulian Alvares dəqiq fərqlənsə də, onun qolu sayılmayıb. Buna səbəb futbolçunun topa iki dəfə toxunması olub.
