Idman.biz
Braziliyanın "Flamenqo" klubunun azarkeşlərini Buenos-Ayresə daşıyan avtobus Barra-Mansa yaxınlığındakı magistral yolda aşıb. Xəsarət alanlar var.
İdman.Biz bu barədə "Globo"ya istinadən xəbər verir.
Əməliyyat Mərkəzinin, Yanğından Mühafizə İdarəsinin və Federal Yol Polisinin xilasediciləri hadisə yerinə gəliblər. Polisin məlumatına görə, 16 nəfər yaralanıb.
"Flamenqo" futbol klubu Buenos-Ayresə gedən azarkeşləri daşıyan avtobusun qəzaya uğraması barədə məlumat əldə edib və Barr- Mansa meri Luis Furlani ilə əlaqə saxlayıb və o, dərhal bələdiyyə xəstəxanasını zərərçəkənləri müalicə etmək üçün istifadəyə verib. Klub həmçinin Baş Yanğından Mühafizə Komandanlığı ilə əlaqə saxlayıb və Rio-de-Janeyro Yanğından Mühafizə İdarəsi ilə birbaşa əlaqə saxlayır və yerindəki bütün tədbirlərə nəzarət edir. Vəziyyəti izləməyə davam edirik", - klubun açıqlamasında deyilir.
Oktyabrın 30-da "Flamenqo" Libertadores Kubokunun yarımfinalında Benos-Ayresdə "Rasinq"lə qarşılaşacaq.
