Final hesabatı

Amerika kubokunun Argentina ilə Kolumbiya arasında final matçı statistik məqamlarla zəngin olub.

İdman.biz xəbər verir ki, İFFHS qarşılaşma ilə bağlı hesabat hazırlayıb.

Argentina 16-cı dəfə titul qazanmaqla Uruqvayı (15) keçib.

Argentina 5-ci dəfə ardıcıl çempionluq seriyasına imza atıb: 1927-29, 1945-46-47, 1957-59, 1991-93 və 2021-24.

Argentina 4-cü dəfə finalda əlavə vaxt oynayıb. 1937-ci ildə Braziliyaya qalib gələn komanda 2015 və 2016-cı illərdə Çiliyə penaltilər seriyasında uduzub.

Argentina 21-ci əsrdəki 9 finalın 6-da iştirak edib: 2004, 2007, 2015, 2016, 2021, 2024. Bu, turnirin rekordudur. Digər komandalar 3-dən artıq final oynamayıb.

Argentina və Kolumbiya ilk dəfə finalda üz-üzə gəlib. Argentina son 7 finalında Braziliya ilə 4, Çili ilə 2, Meksika ilə 1 dəfə görüşüb.

Argentina Kolumbiya ilə pley-offdakı 5 matçın hamısında qalib gəlib: 1993 və 2015-də 1/4, 2004 və 2021-də 1/2 finalda.

Kolumbiyanın tarixinin ən uzun məğlubiyyətsiz seriyası 28-də qalıb: 22 qələbə, 6 heç-heçə.

37 yaş 20 günlük Lionel Messi 21-ci əsrdə finala start heyətdə çıxan ən yaşlı futbolçu olub.

Messi Argentina millisi ilə 4-cü titulunu qazanıb: Amerika kuboku-2021, Finalissima-2022, DÇ-2022, Amerika kuboku-2024. O, 2008-ci ildə Olimpiya Oyunlarının da qalibi olub.

Lautaro Martines 5 qolla çempionatın bombardiri olub.

Lautaro Martines Amerika kubokunda ümumilikdə 10 qol vurub. Karyerasını davam etdirənlərdən yalınız Eduardo Varqas (Çili), Paolo Gerrero (Peru) və Lionel Messi (Argentina) daha çox – hərəyə 14 dəfə fərqlənib.

Qeyd edək ki, Argentina Lautaro Martinesin 112-ci dəqiqədəki qolu ilə 1:0 hesablı qələbə qazanıb.

İdman.biz