İdman.biz
"Dinamo"dan heç kim mənə zəng etməyib. Komanda ilk oyunda böyük üstünlük qazanıb".
İdman.biz xəbər verir ki, bunu "Neftçi"nin yarımmüdafiəçisi Filip Ozobiç deyib.
Xorvatiyalı mütəxəssis ölkəsinin mətbuatına verdiyi müsahibədə "Dinamo"nun Bakıdakı oyunda işinin az olmayacağını bildirib: "İlk oyunda "Dinamo" 4-cü, hətta 5-ci qolları vura bilərdi. "Qarabağ" bir saat çox yaxşı oynadı. Komandanın çoxlu qol şansı olsa da, fərqlənə bilmədi. Azərbaycan çempionu hücumda çox yaxşı təsir bağışlayır, xüsusilə də yarımmüdafiənin cinahları. "Qarabağ" ilk dəqiqədən qol vurmağa çalışacaq. "Dinamo"nu Bakıda asan oyun gözləmir".
5 il "Qarabağ"da çıxış edən Ozobiç azarkeşlərin komandanya böyük dəstək verdiyini vurğulayıb: "Qarabağ" erkən qol vurmasa belə, azarkeşlər dəstətə davam edir. Onlar stadionu dolduracaqlar və komandanı qələbəyə səsləyəcəklər. Düzdür, burada azarkeşlər Xorvatiyadakı kimi təşkilatlamış deyilllər, amma arenada atmosfer fərqli olur".
33 yaşlı yarımmüdafiəçi Juninyonun "Dinamo" üçün ciddi təhlükə olduğunu deyib: "Juninyo çox təhlükəlidir. İlk oyunda qapıçı Nevistiçin çıxışını qeyd etmək olar. Bu dəfə də braziliyalı hücumçu əsas zərbə qüvvəsi olacaq. Monteneqrolular Veşoviç və Yankoviçin ilk oyundan fərqli bu dəfə meydana çıxacağını düşünürəm".
Qeyd edək ki, Ozobiç ölkəmizdə "Neftci"dən əvvəl "Qəbələ" və "Qarabağ"ın formasını geyinib. O, Azərbaycan yığmasınınn heyətinə cəlb olunub.
İdman.biz
