Idman.biz
Filip Ozobiç Premyer Liqada 10 mövsüm fərqlənən 57-ci oyunçu olub.
İdman.biz PFL-in rəsmi saytına istinadən xəbər verir ki, "Turan Tovuz"un yarımmüdafiəçisi Filip Ozobiç Misli Premyer Liqasının VI turunda "Kəpəz"ə qarşı üç cavabsız qol vuraraq tarixi göstəriciyə imza atıb.
Bu, Ozobiçin Premyer Liqada qol vurduğu 10-cu mövsümdür. O, əvvəlki illərdə "Qəbələ" (2016/17, 2017/18), "Qarabağ" (2018/19 – 2022/23) və "Neftçi"də (2023/24, 2024/25) fərqlənib.
Azərbaycan çempionatları tarixində mütləq rekord isə 17 mövsümdə buna nail olan Kənan Kərimova məxsusdur.
Qeyd edək ki, Qərb derbisində vurulan qol Ozobiçin Premyer Liqadakı 67-ci qolu olub və o, ölkə çempionatları tarixində 23-cü bombardirdir.
