Sport24.az
"Qəbələ" ilə oyunun ağır keçəcəyini bilirdik". Sport24.az xəbər verir ki, bu sözləri "Turan Tovuz"un futbolçusu Filip Ozobiç deyib.
Təcrübəli yarımmüdafiəçi Misli Premyer Liqasının IV turunun oyunu ilə bağlı fikirlərini bölüşüb:
"Komanda ötən ildən yaxşı nəticələr qazanır. Ağır qarşılaşma oldu. Amma şükürlər olsun ki, qalib gələ bildik. Düşünürəm ki, bu qələbəyə layiq idik".
Ozobiç Tovuz təmsilçisinin matçlarını "Azersun Arena"da keçirməsi ilə bağlı da danışıb:
"Qarabağ"da keçirdiyim mövsümlərdə buranı çox yaxşı tanımışam. Arenaya çox gözəl bələdəm. "Turan Tovuz" da öz meydanında süni örtüyü təbii ilə əvəzləyir. Həmin meydanda oynamağı böyük səbirsizliklə gözləyirəm".
Qeyd edək ki, "Turan Tovuz" Premyer Liqanın IV turunda "Qəbələ"ni minimal hesabla məğlub edib - 1:0
