Sport24.az
FİFA və Beynəlxalq Peşəkar Oyunçular İttifaqı mövsümün sonunda futbolçuların məcburi məzuniyyətə buraxılması barədə razılığa gəlib. Sport24.az xəbər verir ki, bu barədə FİFA-nın rəsmi nümayəndəsi "Yahoo Sports"a açıqlamasında bildirib:
"Matçlar arasında ən azı 72 saat istirahətin olması və oyunçuların hər mövsümün sonunda ən azı 21 gün istirahət etməsi ilə bağlı ümumi razılıq var".
Qeyd edək ki, 2024-cü ilin yayında Beynəlxalq Peşəkar Futbolçular Assosiasiyaları Federasiyası (FIFPro), İngiltərə və Fransanın futbolçular birlikləri dünya çempionatında iştirakçıların sayının artması və klublararası dünya çempionatının formatının yenilənməsindən sonra təşkilatı təqvimi həddən artıq yükləməkdə ittiham edərək FİFA-ya qarşı iddia qaldırıb.
