Sport24.az
FIFA-nın bu il yeni formatda təşkil edəcəyi klublararası dünya çempionatının mükafat fondu 1 milyard dollar olacaq. Sport24.az xəbər verir ki, bu barədə qurumun mətbuat xidməti məlumat yayıb.
Sözügedən mükafat 32 klub arasında bölüşdürüləcək. Turnirin qalibi 125 milyon dollara qədər pul qazanmaq imkanı əldə edəcək. Ümumilikdə 475 milyon dollar idman nailiyyətlərinə, 525 milyon dollar isə turnirdə iştiraka görə ödəniləcək.
Ən böyük ödənişləri Avropa klubları alacaq. Məbləğ reytinq və gəlirdən asılı olaraq 12,81 - 38,19 milyon dollar arasında dəyişəcək. Cənubi Amerika təmsilçiləri 15,21 milyon dollar, qalan iştirakçılar isə 9,55 milyon və daha aşağı məbləğ qazanacaqlar.
Qeyd edək ki, 15 iyun – 13 iyul aralığında ABŞ-də keçiriləcək dünya çempionatında ilk dəfə 32 komanda təmsil olunacaq.
