Idman.biz
FIFA 2026–2030 illər üzrə kişilərdən ibarət milli komandaların beynəlxalq oyun təqvimində dəyişiklik edib.
İdman.biz xəbər verir ki, bu barədə "The Athletic" nəşri məlumat yayıb.
Bildirilib ki, yerli liqalarda millinin oyunlarına görə sentyabr-oktyabr aylarında yaranan fasilələr birləşdirilib.
Artıq iki ayrı fasilə əvəzinə sentyabrın sonlarından oktyabrın əvvəlinə qədər davam edəcək vahid beynəlxalq fasilə olacaq. Bu müddətdə komandalar dörd oyunadək keçirə biləcəklər.
Nəticədə ölkə liqalarında, o cümlədən Azərbaycan liqasında 21 sentyabrdan etibarən təxminən üç həftə fasilə yaranacaq.
Xatırladaq ki, hazırda sentyabr-oktyabrda ayrı-ayrı 2 beynəlxalq fasilə mövcuddur. Fasilələr biri sentyabrın ilk tam həftəsində, digəri isə oktyabrın ikinci tam həftəsində başlayır. Hər milli komanda bu fasilələrdə maksimum iki oyun keçirə bilir.
