Sport24.az
Beynəlxalq Futbol Assosiasiyaları Federasiyasının (FIFA) Apelyasiya Komitəsi Malayziya milli komandasının yeddi oyunçusuna qarşı sanksiyaları qüvvədə saxlayıb. Sport24.az xəbər verir ki, bu barədə ali futbol qurumunun rəsmi saytı məlumat paylaşıb.
FİFA bir müddət əvvəl oyunçuları sənədləri saxtalaşdırdıqlarına görə 12 ay müddətinə diskvalifikasiya etmişdi.
"Alaves"in müdafiəçisi Fakundo Qarses də onların arasındadır. Qabriel Felipe, Rodriqo Holqado, İmanol Maçuka, Joao Figeyredo, Con İrasabal və Ektor Alexandro Hevel Serrano da cəzalandırılıb.
İddia olunur ki, Malayziya Futbol Assosiasiyası FIFA-ya sorğu təqdim etdikdən sonra yuxarıda adı çəkilən oyunçuların iyunun 10-da Asiya Kubokunun üçüncü seçmə mərhələsində Vyetnama qarşı oynamasını təmin etmək üçün saxta sənədlərdən istifadə edib.
Qeyd edək ki, apelyasiyanın rədd edilməsi səbəbindən hər bir oyunçu təxminən 2100 avro cərimə ödəməli olacaq. Malayziya Futbol Assosiasiyası 374 min avro cərimələnib.
