Idman.biz
Beynəlxalq Futbol Federasiyaları Assosiasiyasının (FIFA) Apellyasiya Komitəsi Malayziya millisinin yeddi futbolçusuna qarşı sanksiyaları qüvvədə saxlayıb.
İdman.Biz xəbər verir ki, bu barədə FIFA-nın rəsmi saytı məlumat yayıb.
Belə ki, futbolçuların apellyasiya şikayəti təmin edilməyib.
Xatırladaq ki, FIFA daha əvvəl Malayziyalı oyunçuları sənədləri saxtalaşdırdıqlarına görə 12 ay diskvalifikasiya edib.
Bunlar Fakundo Qarses, Qabriel Felipe, Rodriqo Olqada, İmanol Maçuka, Joau Fiqeyredu, Hektor Hevel və "Sabah"ın sabiq üzvü Con İrasabaldır.
Qeyd edək ki, 2022-ci ildən "bayquşlar"ın formasını geyinən Con İrasabal bu müddət ərzində 98 oyunda meydana çıxıb, altı qola imza atıb. O, "Sabah"la birgə Azərbaycan Kubokunu, Premyer Liqada isə gümüş və bürünc medalları qazanıb.
