Idman.biz
Beynəlxalq Futbol Assosiasiyaları Federasiyası (FIFA) "İlin komandası"na daxil olmaq üçün namizəd hücumçuların siyahısını açıqlayıb.
İdman.Biz xəbər verir ki, FIFA-nın "İlin komandası" nominasiyası üzrə namizədləri arasında PSJ-nin dörd üzvü var.
Bunlar Bredli Barkola, Usman Dembele, Dezire Due və Xviça Kvaratsxeliyadır.
"Barselona" üç oyunçu ilə təmsil olunur Robert Levandovski, Lamin Yamal və Rafinya.
Kilian Mbappe və Vinisius Junior "Real Madrid"I təmsil edirlər.
"Liverpul"un da siyahıda iki oyunçusu var – Məhəmməd Salah və Aleksander İsak.
Siyahının qalan hissəsi isə belədir:
Salem Əl-Dovsari ("Əl-Hilal"), Seru Girassi ("Borussiya Dortmund"), Viktor Dyökereş ("Arsenal"), Erlinq Haland ("Mançester Siti"), Luis Enrike ("Zenit" Sankt-Peterburq), Harri Keyn ("Bavariya"), Lautaro Martinez ("İnter"), Lionel Messi ("İnter Mayami"), Joao Pedro ("Çelsi"), Mateo Retegi ("Əl-Kadisiya"), Kriştiano Ronaldo ("Əl-Nəsr").
