İdman.biz
FİFA-nın yeni FVS sistemi ilə bağlı planları bəlli olub.
İdman.biz xəbər verir ki, qurum VAR sisteminə alternativ olan yeniliyin testlərinin davam etdirilməsini istəyir.
17 və 20 yaşadək qızlar arasında dünya çempionatlarında sınaqdan keçirilən bu yenilik digər idman növlərində istifadə olunan "çelenc"i xatırladır. Hər komandanın baş məşqçisi oyun ərzində iki dəfə baş hakimdən videotəkrara baxmasını istəmək hüququna malikdir.
FİFA bu sistemin bəzi liqalarda tətbiqi üçün Futbol Assosiasiyalarının Beynəlxalq Şurasının (İFAB) razılığını almaq niyyətindədir. Əgər futbol qaydaları ilə məşğul olan bu qurum icazə versə, FVS oyunları az sayda – 4-5 kamera ilə çəkilən liqalarda da test ediləcək.
İdman.biz
