Sport24.az
Meksika təmsilçisi "Leon"un turnirdən kənarlaşdırılmasından sonra "Barselona" FİFA-dan ABŞ-da keçiriləcək klublararası dünya çempionatında iştirak etməsinə icazə istəyib.
Martda FİFA-nın Apellyasiya Komitəsi "Leon" və "Paçuka"nın eyni mənbədən maliyyələşməsini nəzərə alıb, bu iki klubun eyni turnirdə birlikdə mübarizə apara bilməyəcəyinə qərar vermişdi.
Mənbənin sözlərinə görə, "Barselona" dünya çempionatına namizədliyini FİFA-ya təqdim edib. Lakin ali futbol qurumu "Real" və "Atletiko"nun turnirdə iştirakını təsdiqləndiyindən katalonların istəyini geri çevirib. Reqlamentə əsasən, klublararası dünya çempionatında bir ölkədən ikidən artıq komanda çıxış edə bilməz.
Qeyd edək ki, sonda "Leon"un dünya kubokunda yeri "Amerika"nı məğlub edən "Los-Anceles"ə qismət olub.
