Lent.az
FIFA 2026/2027 mövsümündən etibarən "Arsen Venger ofsaydı"nı tətbiq edə bilər.
Lent.az bu barədə "RMC Sport"a istinadən xəbər verir.
Bu qaydaya əsasən, hücum edən oyunçu yalnız o halda oyundan kənar vəziyyətə düşəcək ki, bədəninin bütün hissələri ilə rəqibin sonuncu müdafiəçisini qabaqlasın.
Mənbənin məlumatına görə, IFAB (Beynəlxalq Futbol Assosiasiyaları Şurası) bu dəyişikliyi yanvarın 20-də Londonda keçiriləcək illik yığıncağında nəzərdən keçirəcək.
Fevral ayında isə layihə Baş Assambleyaya təqdim olunacaq. Bu qayda dekabrda Ərəb Millətləri Kuboku matçlarında sınaqdan keçirilib.
Qeyd edək ki, 76 yaşlı Venger hazırda FIFA-nın futbolun qlobal inkişafı şöbəsinin rəhbəri vəzifəsini tutur.
