Sport24.az
"Bu günlərdə həm "Şimal", həm də "Hypers Quba" ilə görüşlər keçirilib. Yaxın günlərdə Şimal zonasına səfər planlaşdırırıq. Baş tutan görüşlərin məqsədi tanışlıq idi. Regiona səfərdən sonra klublarla birgə müəyyən planlar üzərində işləyəcəyik və ilk olaraq əlçatan nələrdirsə onları etməyə çalışacağıq. Daha sonra isə qlobal məsələlər- infrastruktur, sponsor cəlb edilməsi və s. həllinə baxmaq olar. İşin gedişatından asılıdır, hələki bir şey demək çətindir. İrəlidə nəsə əlavə və yenilik olacaqsa, ictimaiyyətə məlumat verəcəyik". Bu sözləri Sport24.az-a açıqlamasında FİF-in sədri Tural Piriyev deyib.
Qeyd edək ki, yeni mövsümdə II Liqada mübarizə aparacaq "Şimal" ilə "Hypers Quba" rəhbərliyi ilə FİF rəsmləri arasında görüş baş tutub. Qubanı təmsil edəcək "Hypers"in stadion problemi olmasa da, Xaçmaz təmsilçisinin infrastruktur, baza və stadionla bağlı problemləri açıq olaraq qalır.
ABDULLA İSMAYILOĞLU
