İdman.biz
"Güclü heyət qurmaq, hər oyunda qələbə qazanmaq istəyirik".
İdman.biz xəbər verir ki, bunu futbol üzrə Azərbaycan yığmasının baş məşqçisi Fernandu Santuş İsveçlə oyundan əvvəl mətbuat konfransında deyib.
Potuqaliyalı mütəxəssis sabah İsveçə qarşı heyətdə bəzi dəyişikliklər edəcəyini bildirib: "Son üç matçda çıxışımızda müsbətə doğru böyük dəyişiklik var. Sabahkı rəqibimiz İsveç millisi hər oyuna xüsusi yanaşır. Biz də rəqibi təhlil edirik, buna uyğun taktika ilə çıxış edəcəyik. İsveçlilər Estoniya yığmasından tam fərqli oyun üslubuna malikdirlər. Keyfiyyətli futbolçulardan qurulan güclü rəqibə qarşı çıxış edəcəyik. Ancaq özümüzə inanmalı və qələbə üçün mübarizə aparmalıyıq. Ümumiyyətlə, elə heyət olmalıdır ki, müdafiə olunmaqla yanaşı, hücumlar qurmağı, təhlükəli vəziyyətlər yaratmağı da bacarmalıdır. Milli komanda üç gündən bir çıxış edir. Bunu nəzərə alsaq, heyətdə bəzi dəyişikliklər ola bilər".
İdman.biz
